Bwena Mano

Sa isang pagkalayo-layong lugar, as in super duper uber sa layo. Sa isang "di maaninag na sulok ng mundo", makikita ang pagkaganda-gandang prinsesa. Ngunit hindi sya ang bida. Hindi lahat ng biniyayaan ng kagandahan e bida. At hindi lahat ng bida, kailangan babae.

May isang poging prinsepe, ngunit sya ay naging prinsesa. Walang nagsumpa sa kanya, wala syang kinaing mansanas na nakakatakam, walang kelangan humalik sa kanya at walang magtatangkang humalik sa kanya.

Kaarawan ng hari ngayon. Siya si King Kong the Great. Dahil siya ay mejo pinagkaitan ng magandang pangalan, tinatawag siya sa palayaw na Haring Burnek. Hindi malaman ng tao kung bakit ito ang kanyang kagustuhan samantalang mas mabango pang pakinggan ang King Kong the Great. At least yun e ingles. Tulad ng aking sabi, kaarawan ng hari ngayon. Ayaw niya ipaalam kung ilang taong gulang na siya pero bakas na bakas na sa ichura nya ang katandaan. As in bakas, sinasabi ko sa inyo. BAKAS. May tatlo siyang anak. Puro lalaki. Ang panganay ay mukang mas matanda pa sa kanya. Ang bunso naman ay parang nasa pelikulang "The Curious Case of Benjamin Button". 21 years old na siya kaso mukang 10 years old pdn. At higit sa lahat, ang paborito ni Haring Burnek, ang pangalawa. Sa tatlong magkakapatid, siya ang pinakapogi. 25 years old na siya pero mukang 24 pa lang! Mapula ang kanyang labi, mapula ang kanyang pisngi, maalasibuyas ang kutis, at kumikislap ang mga mata. Halos lahat sa kanya ay perpekto na. Lahat ng lalaki ay kinaiinggitan siya. Lahat ng babae ay nagkakandarapa para sa prinsepe. Ngunit sila ay bigo. Hindi dahil may prinsesa na ang prinsipe. Ngunit dahil prinsepe din ang nais niya! Sa ngayon ay hindi pa alam ng hari ang kanyang lihim. Maya-maya pa lang.

Ang pagkapogi-poging prinsipe ay si Prinsipe Hulyo. Ngunit ang tawag sa kanya ng mga ka-close na katulong sa palasyo ay Prinsesa Julia. Bonggang bongga. Madalas silang nagkukulong sa kwarto ni Julia at nagpapaganda. Pulbos dito, lipistik jan. Sa loob ng kanyang kwarto, siya ay isang dalagitang naghihintay ng prinsepe. Ngunit paglabas ay isang matapang na Adonis.

Sa isang mas malayong kaharian kesa sa kaharian ni Haring Burnek, may isang mas poging prinsepe kesa kay Hulyo. Kung si Hulyo ay halos perpekto, siya ay perpekto na. Ang nilamang lang ng prinsepeng nasabi ay ang pagiging tunay na lalake. Siya ang crush ni Julia. Siya si Prinsepe Fransisco Allan Manuel Estrada Macapagal Arroyo or Prinsepe Jay for short. Hindi din alam ng tao kung bakit ito ang kanyang palayaw samantalang wala man lang 'Jay' sa kanyang pangalan. Kahit letrang 'J' man lang e wala.

Walang alam ang dalawa na sila'y pagtatagpuin ng tadhana.

Ika-26 ng Enero ang kaarawan ni Haring Burnek. Bonggang bongga ang handaan. May mascot ng jollibee, mcdo, kfc, at papagawa na sila sa greenwich para kumpleto. Meron ding mga payaso. Ang handa isang platong puno ng spaghetti at isang buong fried chicken. Ang desert ay orange. Kung gusto ng iba ay pwedeng kumuha ng mini hotdogs na may marshmallow. Ganap na alas-otso gaganapin ang handaan. Halos lahat ng kaharian ay pupunta.

9:00 na ngunit wala pa din si Hulyo. Pinatawag na ito ni Haring Burnek sa isa sa mga katulong. Siya ay pinuntahan sa kwarto at natagpuang natutulog nang nakadamit babae. May hair extensions, makapal na blush-on at mamahaling night gown. Nagulat ang katulong ngunit wala na siyang oras kaya't ginising na niya ang Prinsesa at pinapunta sa salu-salo. Hindi na din naalala ang kanyang ichura, dali dali siyang tumakbo patungo sa Crown Royale kung saan gaganapin ang birthday. Dinatnan niya ang receptionist na may sinusulat at nagtanong "Saan po ba ang party ng ama kong hari?". Nagtaka ang receptionist at sinabing, "Ang tanging haring may kaarawan ngayon ay walang anak na babae. Baka ikaw ay nagkakamali.". Sa sandaling iyon ay nawalan siya ng hininga. Hindi na siya makakabalik sa kanilang palasyo. Isang poging lalaking tumutugtog ng piano sa may ilalim ng hagdan ay lumapit at nabighani sa kagandahan ng babaeng nakita. Mapupulang labi, mapupulang pisngi, maalasibuyas na kutis at makikislap na mata. Siya ay napatulala at sinabi sa receptionist, "Maaari siyang sumali sa salu-salo sapagkat siya ay gf ko.". Nahulog ang baba ni Julia. Hindi makapaniwala sa nadinig at ngayo'y hindi alam kung pano sasabihing hindi siya tunay na babae. Ngunit isa na ito sa kanyang mga pangarap. Ang maging prinsepe si Prinsepe Jay. Sa kabila ng suot na night gown, sila ay sumakay sa elevator at nagpunta sa kaarawan ng hari.

Sinalubong ni Haring Burnek si Prinsipe Jay kasama si Julia. Nagulat ang hari dahil kamukang kamuka ni Julia ang anak na si Hulyo. Pinakilala siya ni Jay at sabing "Ito po ang gf ko.". Napakanganga na naman si Julia.

Ilang oras ang lumipas, hindi pa din dumadating ang hinihintay na si Prinsepe Hulyo. Sa takot ng katulong na inutusan ng hari, siya ay nagtago na. Natapos ang kaarawan walang Hulyo ang dumating.

Inuwi ni Prinsepe Jay si Prinsesa Julia sa kanilang kaharian at inayang magpakasal.

.
.
.
.
.
.
Ano ang nangyari? Mula nang kaarawan ni Haring Burnek ay hindi na bumalik si Hulyo at pagkatapos ng kasal nina Jay at Julia, nabalitaang inatake sa puso ang prinsepe.


Paunawa: Hindi lahat ng 'fairytales' ay happy ending. At hindi lahat ng happy ending ay fairytale. :)